logo
add image
നീതിമാന്മാരുടെ പ്രതിഫലം  

നീതിമാന്മാരുടെ പ്രതിഫലം  

  ഒരു ദിവസം സഭാ ശുശ്രൂഷ കഴിഞ്ഞ ഉടനെ ഒരു സ്ത്രീ പാസ്റ്ററുടെ അടുക്കല്‍ ചെന്ന് ഇപ്രകാരം പറഞ്ഞു.എന്റെ ഭര്‍ത്താവ് ഉത്തമനായ ഒരു വിശ്വാസിയായിരുന്നു.എന്നാല്‍ ഞങ്ങളുടെ സഭയി ലുണ്ടായ ഒരു പ്രശ്‌നത്തിന് അകാരണമായി അദ്ദേഹത്തെ ഉത്തരവാദിയാക്കി.ഇതു തന്റെ ഹൃദയത്തെ തകര്‍ത്തതിനാല്‍ രണ്ടു വര്‍ഷത്തിനുള്ളില്‍ മൃതിയടഞ്ഞു.അടുത്തതായി എന്റെ മകന് രോഗം പിടിച്ചു മരിച്ചു.എന്റെ രണ്ടു പെണ്‍മക്കളെ സ്‌കൂളിലയയ്ക്കാനായി ഞാന്‍ അലക്കുജോലി ചെയ്തു വന്നു.അടുത്ത കാലത്ത് ഒരു കഠിനരോഗത്തില്‍ പെടുന്നതു വരെ എന്റെ മൂത്ത മകള്‍ ക്രിസ്തീയ പ്രവര്‍ത്തനത്തില്‍ ഏര്‍പ്പെട്ടിരുന്നു.ഇപ്പോള്‍ എന്റെ മറ്റെ മകളും ഒരു മാറാ വ്യാധിക്കാരിയായിരിക്കുന്നു.ഞാനിപ്പോഴും ദൈവത്തെ മുറുകെ പ്പിടിച്ചു കൊണ്ട് അവന്റെ കരുണയില്‍ ആശ്രയിക്കുന്നു.എന്നാല്‍ എന്റെ ഹൃദയം തകര്‍ന്നിരിക്കുകയാണ്.അതിനാല്‍ അങ്ങയില്‍ നിന്നും ചില ധൈര്യവാക്കുകള്‍ ലഭിക്കാനായി ഞാന്‍ ആഗ്രഹിച്ചു വന്നിരിക്കുകയാണ്.അവളുടെ അതി ദു:ഖത്തില്‍ അദ്ദേഹം മൗനമായിരുന്നു.തുടര്‍ന്ന് ഇങ്ങനെ പറഞ്ഞു; പ്രിയ സഹോദരി, ഈ അഗാധ ദു:ഖത്തിന്റെ സമയത്ത് നീ പറഞ്ഞ വാക്കുകള്‍ യഥാര്‍ത്ഥത്തില്‍ എന്നെ ധൈര്യപ്പെടുത്തി.അതിനാല്‍ ക്രിസ്തുവിലുള്ള ആശ്വാസം കൂടുതല്‍ തീക്ഷ്ണതയോടു കൂടിഞാന്‍ മറ്റുള്ളവരോട് പറയുന്നതാണ്.എനിക്കു നിന്നെ ആശ്വസിപ്പിക്കാന്‍ കഴിയില്ലെങ്കിലും നീ എന്നെ ആശ്വസിപ്പിച്ചരിക്കുന്നു.തുടര്‍ന്ന് കണ്ണുനീര്‍ വീഴ്ത്തിക്കൊണ്ട് അവള്‍ പറഞ്ഞു,ഞാനാഗ്രഹിച്ച വാക്കുകളാണ് അവിടുന്നു പറഞ്ഞത്.ഞാന്‍ വീട്ടില്‍ ചെന്ന് വിശ്വാസത്തിന്റെ നല്ല പോര്‍ പൊരുതും.മറ്റുള്ളവരെ സഹായിക്കുവാന്‍ എന്റെ അനുഭവങ്ങള്‍ അങ്ങേയ്ക്കു സഹായം ചെയ്യുമെങ്കില്‍ എന്റെ പരിശോധനകള്‍ ഹേതുവായി ഞാന്‍ ധന്യയായിത്തീര്‍ന്നിരിക്കുന്നു.കഠിനശോധനയുടെ സമയത്ത് തന്നെ സ്തുതിക്കുന്നവര്‍ക്ക് ദൈവം കാണിക്കുന്ന പുഞ്ചിരിയുടെ സമയത്തിനായി ഞാന്‍ കാത്തിരിക്കുന്നു.
 ഭൗമീക കഷ്ടതയില്ലെങ്കി ല്‍ സ്വര്‍ഗീയ മഴവില്ലിന്റെ ശോഭ കാണുവാന്‍ സാധ്യമല്ല.

 

RELATED STORIES

Top