logo
add image
കൊച്ചിയില്‍ ഭീകരാക്രമണത്തിന് സാധ്യതയെന്ന് ഇന്റലിജന്‍സ് റിപ്പോര്‍ട്ട്

കൊച്ചിയില്‍ ഭീകരാക്രമണത്തിന് സാധ്യതയെന്ന് ഇന്റലിജന്‍സ് റിപ്പോര്‍ട്ട്

കൊച്ചി. കൊച്ചിയിലെ പ്രധാന ഷോപ്പിങ് മാളുകള്‍ ഉള്‍പ്പെടെയുള്ള സ്ഥാപനങ്ങളില്‍ ആക്രമണം ലക്ഷ്യമിട്ട് ഐ എസ് ഭീകരര്‍. ഇന്റലിജന്‍സിനാണ് ഇതു സംബന്ധിച്ച് വിവരം ലഭിച്ചത്. വിവരത്തിന്റെ അടിസ്ഥാനത്തില്‍ കൊച്ചി വിമാനത്താവളത്തിലുള്‍പ്പെടെ യാത്രക്കാരെ കര്‍ശന പരിശോധനയ്ക്ക് വിധേയരാക്കുകയും സുരക്ഷ വര്‍ധിപ്പിക്കുകയും ചെയ്തിട്ടുണ്ട്. 

ഭീഷണി ഉയര്‍ന്ന സാഹചര്യത്തില്‍ കേരള തീരത്ത് സുരക്ഷ വര്‍ധിപ്പിച്ചിട്ടുണ്ട്. ഇന്ത്യന്‍ മഹാസമുദ്രത്തോട് ചേര്‍ന്നുള്ള പ്രദേശങ്ങളും ശ്രീലങ്കയുമാണ് നിലവില്‍ ഐഎസ് ഭീകരര്‍ താവളമാക്കുന്നത്.

സിറിയയിലെയും ഇറാഖിലെയും ഐ എസ് സംഘടനയ്ക്ക് ശക്തി ക്ഷയിച്ചതിനാല്‍ കേരളത്തിലും തമിഴ്‌നാട്ടിലുമെല്ലാം വേരുറപ്പിക്കാനാണ് സംഘടനയുടെ ശ്രമം. ഇവരുടെ ടെലഗ്രാം മെസന്‍ജര്‍ സന്ദേശമാണ് ഇന്റലിജന്‍സ് വിഭാഗം ചോര്‍ത്തിയത്. കേരളത്തില്‍ 21 കൗണ്‍സിലിംഗ് സെന്ററുകളിലായി ഐ എസ് ആശയങ്ങളോട് ആഭിമുഖ്യമുള്ള 3000 പേരെ പിന്തിരിപ്പിക്കാനായെന്ന് പോലീസ് വ്യക്തമാക്കുന്നു. 
 

RELATED STORIES

Top