logo
add image
ഗുരുതരാവസ്ഥയിലുള്ള രോഗികള്‍ക്ക് ദയാവധത്തിന് അനുമതി നല്‍കി വിക്‌ടോറിയ 

ഗുരുതരാവസ്ഥയിലുള്ള രോഗികള്‍ക്ക് ദയാവധത്തിന് അനുമതി നല്‍കി വിക്‌ടോറിയ 

മെല്‍ബണ്‍. രോഗം മൂര്‍ച്ഛിച്ച അവശനിലയിലായ രോഗികള്‍ക്ക് ദയാവധം അനുവദിക്കുന്നതിനുള്ള അനുമതി നല്‍കി ഓസ്‌ട്രേലിയയിലെ വിക്‌ടോറിയ സംസ്ഥാനം. കഴിഞ്ഞ ബുധനാഴ്ച മുതലാണ് നിയമം പ്രാബല്യത്തില്‍ വന്നത്. രോഗികള്‍ക്ക് അവരുടെ ജീവിതം അവസാനിപ്പിക്കുന്നതിനുള്ള മാന്യമായ അവസരം നല്‍കലാണ് നിയമത്തിലൂടെ ഉദ്ദേശിക്കുന്നതെന്ന് പ്രധാനമന്ത്രി ഡാനിയേല്‍ ആന്‍ഡ്രൂസ് വ്യക്തമാക്കി. 

ഗുരുതരമായ രോഗം ബാധിച്ച് ഒരു വര്‍ഷത്തെ ആയുസ് മാത്രം ബാക്കിയുള്ള മുതിര്‍ന്ന പൗരന്മാര്‍ക്കു മാത്രമായിരിക്കും ദയാവധത്തിന് അനുമതി ലഭിക്കുക. ഈ വര്‍ഷം 12 പേരായിരിക്കും നിയമം പ്രയോജനപ്പെടുത്തുന്നത്. ഇവരുടെ നിയമ ഉപയോഗം കൃത്യമായി വിലയിരുത്തുമെന്നും പ്രധാനമന്ത്രി വ്യക്തമാക്കി. ലോകത്തിലെ പ്രമുഖ രാഷ്ട്രങ്ങളില്‍ ഒന്നും തന്നെ ദയാവധത്തെ നിയമപരമായി അംഗീകരിച്ചിട്ടില്ല. 
 

RELATED STORIES

Top