logo
add image
Breaking News
ക്യാമ്പില്‍ കഴിയുന്ന കുട്ടികളുടെ ചിത്രങ്ങള്‍ പ്രചരിപ്പിക്കരുത്; ബാലാവകാശകമ്മീഷന്‍ 

ക്യാമ്പില്‍ കഴിയുന്ന കുട്ടികളുടെ ചിത്രങ്ങള്‍ പ്രചരിപ്പിക്കരുത്; ബാലാവകാശകമ്മീഷന്‍ 

പ്രകൃതിദുരന്തത്തെത്തുടര്‍ന്ന് ദുരിതാശ്വാസ ക്യാമ്പില്‍ കഴിയുന്ന കുട്ടികളുടെ ചിത്രങ്ങള്‍ സമൂഹമാധ്യമങ്ങളില്‍ പ്രചരിപ്പിക്കുന്നതിനെതിരെ ബാലാവകാശകമ്മീഷന്‍. കോഴിക്കോട് മണക്കാട് യു പി എസിലെ ക്യാമ്പില്‍ കഴിയുന്ന  നാലാംക്ലാസുകാരിയായ പെണ്‍കുട്ടിയുടെ ചിത്രം ശ്രദ്ധയില്‍ പെട്ടതിനെ തുടര്‍ന്നാണ് ഇത്തരം നടപടികള്‍ ബാലനീതി നിയമത്തിന്റെ 74#ാ#ം വകൂപ്പിന്റെ ലംഘനമാണെന്ന് കമ്മീഷന്‍ അറിയിച്ചിരിക്കുന്നത്. 
   ഇത്തരം ദൂരന്തത്തില്‍ എല്ലാം നഷ്ടപ്പെടുന്നവര്‍ സംസ്ഥാനത്തിന്റെ ശ്രദ്ധ ആവശ്യപ്പെടുന്നവരാണെന്നും അത് ഒരുക്കേണ്ടത് അതതു ജില്ലകളിലെ ശിശുക്ഷേമ സമിതികളാണെന്നും കമ്മീഷന്‍ അംഗമായ ശ്രീല മേനോന്‍ പറഞ്ഞു. ഇത്തരത്തില്‍ ഒറ്റപ്പെട്ടു പോകുന്ന കുട്ടികളുടെ വിവരങ്ങള്‍ പോലീസിനോ ശിശുക്ഷേമ സമിതിയ്‌ക്കോ കൈമാറുകയാണ് വേണ്ടതെന്നും അല്ലാതെ സ്വന്തം ഭവനത്തില്‍ താമസിപ്പിക്കുന്നതും കൈമാറുന്നതും കൂറ്റകൃത്യമാണെന്നും ശ്രീല മേനോന്‍ വ്യക്തമാക്കി. 
   മണക്കാട് സ്‌കൂളിലേക്ക് അച്ഛനൊപ്പമാണ് കുട്ടിയും എത്തിയത്. എന്നാല്‍ പിതാവ് ക്യാമ്പില്‍ വെച്ച് മരണപ്പെടുകയായിരുന്നു. വാര്‍ത്ത പുറംലോകം അറിഞ്ഞപ്പോള്‍ കുട്ടിയെ ദത്തെടുക്കാന്‍ തയാറായി ദമ്പതികളെത്തി. ഇവരുടെ ചിത്രങ്ങളാണ് വന്‍തോതില്‍  പ്രചരിക്കുന്നത്. ഇത് ശ്രദ്ധയില്‍ പെട്ടതിനെ തുടര്‍ന്നാണ് ബാലാവകാശ കമ്മീഷന്‍ ഇക്കാര്യത്തില്‍ പ്രതികരിച്ചത്.  
 

RELATED STORIES

Top