logo
add image
പഞ്ചാബില്‍ ഡ്രോണ്‍വഴി എത്തിച്ച വന്‍ ആയുധശേഖരം കണ്ടെത്തി; 4പേര്‍ അറസ്റ്റില്‍ 

പഞ്ചാബില്‍ ഡ്രോണ്‍വഴി എത്തിച്ച വന്‍ ആയുധശേഖരം കണ്ടെത്തി; 4പേര്‍ അറസ്റ്റില്‍ 

ഛണ്ഡീഗഡ്. പഞ്ചാബില്‍ ഇന്ത്യാ പാക് അതിര്‍ത്തിയില്‍ ഡ്രോണ്‍ ഉപയോഗിച്ച് എത്തിച്ച വന്‍ ആയുധശേഖരം പൊലീസ് കണ്ടെത്തി. പഞ്ചാബിലെ തരന്‍ താരന്‍ ജില്ലയില്‍ നിന്ന് ഭീകരരെന്ന് സംശയിക്കുന്ന നാലു പേരെ അറസ്റ്റ് ചെയ്തിട്ടുണ്ട്. സെപ്തംബര്‍ നാലിന് ജില്ലയില്‍ സ്‌ഫോടനത്തില്‍ രണ്ടു പേര്‍ മരിച്ചതിനെ തുടര്‍ന്ന പോലീസ് സംസ്ഥാനത്ത് കനത്ത സുരക്ഷ ഏര്‍പ്പെടുത്തിയിരുന്നു. 

എകെ 47 റൈഫിളുകള്‍, ഗ്രനേഡുകള്‍, പിസ്റ്റളുകള്‍, സാറ്റലൈറ്റ് ഫോണുകള്‍ തുടങ്ങിയ ആയുധങ്ങളാണ് കണ്ടെത്തിയിരിക്കുന്നത്. ഇവരെ ഐ എസ് ഐ സഹായിച്ചിട്ടുണ്ടെന്നാണ് ലഭ്യമായ വിവരങ്ങള്‍ വിരല്‍ ചൂണ്ടുന്നത്. കാശ്മീര്‍, പഞ്ചാബിന്റെ അതിര്‍ത്തിപ്രദേശങ്ങള്‍ തുടങ്ങിയവ കേന്ദ്രീകരിച്ച് ആക്രമണം നടത്താന്‍ പദ്ധതിയിട്ട് നുഴഞ്ഞുകയറുന്നവരുടെ എണ്ണം വര്‍ധിച്ചിരിക്കുന്ന സാഹചര്യത്തില്‍ കേസ് എന്‍ ഐ എയ്ക്ക് കൈമാറിയിരിക്കുകയാണ്. 

ഖാലിസ്ഥാന്‍ സിന്ദാബാദ് ഫോഴ്‌സ് എന്ന സംഘടനയുടെ നേതൃത്വത്തിലാണ് ഇവിടങ്ങളില്‍ അക്രമങ്ങള്‍ വര്‍ധിപ്പിക്കുന്നതെന്നാണ് പോലീസിന്റെ റിപ്പോര്‍ട്ട് വ്യക്തമാക്കുന്നത്. ഇത്തരം നുഴഞ്ഞുകയറ്റങ്ങള്‍ തടയാന്‍ ആവശ്യമായ നടപടികള്‍ സ്വീകരിക്കണമെന്ന് പഞ്ചാബ് മുഖ്യമന്ത്രി അമരീന്ദര്‍ സിംഗ് കേന്ദ്രത്തോട് അഭ്യര്‍ത്ഥിച്ചിട്ടുണ്ട്. 
 

RELATED STORIES

Top