logo
add image
നൈജീരിയയില്‍ അടിമകളാക്കപ്പെട്ട ഗര്‍ഭിണികളെ മോചിപ്പിച്ചു.

നൈജീരിയയില്‍ അടിമകളാക്കപ്പെട്ട ഗര്‍ഭിണികളെ മോചിപ്പിച്ചു.

ലാഗോസ്. നൈജീരിയയിലെ ഏറ്റവും വലിയ നഗരമായ ലാഗോസില്‍ പ്രസവശേഷം കുഞ്ഞുങ്ങളെ വില്‍ക്കുന്നതിനായി അടിമകളാക്കപ്പെട്ട 19 ഗര്‍ഭിണികളെ മോചിപ്പിച്ചു. പതിനഞ്ചിനും ഇരുപത്തിയെട്ടിനും ഇടയില്‍ പ്രായമുള്ള പെണ്‍കുട്ടികളെയായിരുന്നു ബേബി ഫാക്ടറീസ് എന്ന പേരിലുള്ള തടവറയില്‍ പാര്‍പ്പിച്ചിരുന്നത്. 

   ഗര്‍ഭിണികളാകുന്ന അടിമയുവതികള്‍ക്ക് ജനിക്കുന്ന ആണ്‍കുട്ടികളെ 1.16 ലക്ഷം രൂപ (1630 ഡോളര്‍)യ്ക്കും പെണ്‍കുട്ടികളെ 70000 (980 ഡോളര്‍) രൂപയ്ക്കുമാണ് വില്‍പ്പന നടത്തിയിരുന്നത്. 4 ശിശുക്കളും പോലീസ് രക്ഷപ്പെടുത്തിയവരുടെ കൂട്ടത്തില്‍ ഉള്‍പ്പെടുന്നു. ജോലി നല്‍കാമെന്ന് വാഗ്ദാനം ചെയ്ത് സംഘം പെണ്‍കുട്ടികളെ തട്ടിക്കൊണ്ടു പോവുകയും ചൂഷണം ചെയ്യുകയുമാണ് ചെയ്തുവരുന്നത്. പെണ്‍കുട്ടികളെ രക്ഷിച്ചെങ്കിലും കുറ്റവാളികളായ മുഴുവന്‍ പേരെയും കണ്ടെത്താന്‍ കഴിഞ്ഞിട്ടില്ലെന്ന് പോലീസ് റിപ്പോര്‍ട്ട് ചെയ്യുന്നു. 

ആഫ്രിക്കയിലെ ഏറ്റവും വലിയ സമ്പദ്‌വ്യവസ്ഥയുള്ള പ്രദേശമാണ് നൈജീരിയയെങ്കിലും ജനങ്ങളില്‍ പകുതിയും കടുത്ത ദാരിദ്ര്യമാണ് അനുഭവിക്കുന്നത്. 
 

RELATED STORIES

Top